Баспасөз үшін

15/05/2017

"Астана" Халықаралық қаржы орталығы (АХҚО) Цинхуа университетімен Өзара Ынтымақтастық Меморандумына қол қойды

Пекинде "Астана" Халықаралық қаржы орталығы (АХҚО) мен Цинхуа университеті арасында Өзара Ынтымақтастық Меморандумына қол қойылды.

Меморандумның негізгі мақсаты қаржы орталығы қызметкерлерінің біліктілігін арттыру үшін бірлескен білім алу жəне зерттеу жобаларын жүзеге асыру.

"Астана" Халықаралық қаржы орталығының Басқарушысы Қайрат Келімбетовтің айтуынша, АХҚО-ның əлемдік талаптарға сай  қаржы орталығына айналуы үшін халықаралық деңгейдегі мамандарды дайындау аса маңызды.

Ақпарат үшін:

АХҚО. 2015 жылғы желтоқсан айында Қазақстан Республикасының Президенті Нұрсұлтан Назарбаев «Астана» халықаралық қаржы орталығын (АХҚО) құру туралы Конституциялық заңға қол қойды. АХҚО-ның мақсаты қаржылық қызметтерді көрсететін халықаралық деңгейдегі жетекші орталық қалыптастыру. Посткеңестік кеңістікте тұңғыш рет ағылшын құқығының қағидаттары енгізіледі, қаржы орталығының ресми тілі – ағылшын тілі болады. 

АХҚО-ның міндеттері қаржылық қызметтер саласында инвестициялау үшін тартымды орта құру арқылы ел экономикасына инвестициялар тартуға жәрдемдесу, Қазақстан Республикасының бағалы қағаздар нарығын дамыту, оның халықаралық капитал нарықтарымен ықпалдасуын қамтамасыз ету болып табылады. АХҚО сондай-ақ елімізде сақтандыру, банк қызметтері мен исламдық қаржыландыру нарығын дамытуға ниеттенеді. 

 Цинхуа университеті - Қытайдағы 1911 жылы құрылған ең негізгі университеттің бірі. Осы елдегі ең негізгі 9 элиталық оқу орындарының қатарына енеді. Үнемі Ұлттық рейтингтің алғашқы орындарына ие болады.